Ibar Ezkerrako Ikasleak

Turismo aktiboa

2010-06-04T12:00:00.004+02:00

Pasadan maiatzean kirol zikloko 1.mailako 23 ikasleak Gorlizera eraman genituen bertako paraje hobezinean ekintza ezberdinak egin zitzaten. Aurten, eta eguraldiak horrela nahi izan duelako, kayak eta surfa egiteko aukera izan dugu.

Goiz osoa iraun duen ekintza ezberdin eta interesgarriak izan dira guztion ustetan!!

Lantokiko Prestakuntza Kurtsoa

2010-05-12T12:00:00.021+02:00

Informatika eta kirola zikloetako 2. mailako ikasleek martxotik enpresetan praktiketan dihardute, goizez zein arratsaldez. Ikasleen jarraipena egiteko antolatutako banakako tutoretzetan pozik daudela eta asko ikasten ari direla esan diote tutoreari.

Informatika arloan ikasleek burutzen dituzten eginkizun nagusiak honako hauek dira: informatika-tresneria muntatzea eta mantentzea, postu bakarreko eta sareko sistema eragileak instalatzea eta ustiatzea, web aplikazioak instalatzea eta konfiguratzea, ingurune txikietan sare lokalen zerbitzuak instalatzea eta mantentzea, interneteko zerbitzuak instalatzea eta mantentzea.

Kirol arloan ikasleek burutzen dituzten eginkizunak beste hauek dira: igerilekuetan egiten diren ur ekintzak, fitness aretoan prestakuntza fisikoa, aretoko ekintza zuzenduak, ezintasunak dituzten pertsonekin kirol ekintzak, kirol ekintzen inguruan lan komertzialak.

0910 ikasturtean enpresa kolaboratzaileak hauek izan dira: informatika arloan, Cidir, Tecnocom, Eurohelp, Sermicro eta Xerox; kirol arloan, Guedan, Servi Ocio, Xaker, Fitness Place, Metropolitan, Gimnasio Imagen, Emtesport, Sport Studio, Urtzi, Deportivo, beste batzuen artean.

Inguralde eta Tecnocom

2010-04-21T13:00:00.006+02:00

Hirugarren ebaluaketan, bigarren mailako ikasleek praktikak egiten dituzten bitartean, bi irteera egin ditugu informatika zikloko lehenengo mailako ikasleekin.

Martxoaren 25ean, Barakaldoko Inguraldek Innobak eraikinean antolatutako Ostegulan: enpresarekin duzu hitzordua jardunaldian parte hartu genuen. Bertan, Eurohelp enpresak informatika arloan lan egiteko aukeren inguruko informazioa eskaini zuen bi ordutako hitzaldian.

Apirilaren 16an, Tecnocomek Bilbon duen egoitzara joan ginen eta hiru ordutako saioan diru-birziklatzaile bat desmuntatu zuen Julenek ikasleen laguntzarekin. Berriro muntatu ondoren makinaren funtzionamendu egokia egiaztatu zuten portatil batetan instalatutako SWa erabiliz.

Bizkaia Enpresa Digitala

2010-02-01T14:00:00.008+01:00

Urtarrilean, informatika zikoetako ikasleek Bizkaia Enpresa Digitalak antolatutako bi hitzaldietan parte hartu zuten. Ikasleak haien tutorearekin joan ziren Zamudioko Parke Teknologikoko ESI eraikinera. Hiru ordutako hitzaldiak izan ziren eta gainera kaferako atsedenaldia egon zen.
Urtarrilaren 21ean lehenengo mailako ikasleek eta Txabik parte hartu zuten Desarrollo de redes sociales y el SW libre izeneko hitzaldian.

Hurrengo astean bigarren mailako ikasleen txanda izan zen eta Josebarekin La imagen de nuestra empresa en la red. Objetivo: Comunicación 2.0 izeneko hitzaldian egon ziren.

Ikasturtea bukatu baino lehen beste hitzaldi interesgarririk ikusten badugu lehenengo mailako ikasleekin joango gara, ordurako bigarren mailako ikasleek praktiketan ibiliko direlako.

2010eko Eski Bidaia

2010-01-27T12:00:00.003+01:00

Aurten, bi urtetik behin egiten dugun bezala, kirol zikloko bi taldeetako ikasleekin Astunera eskiatzera joan gara, urtarrilaren 19tik 22ra.
Intentsitate handiko hiru egun izan dira: goizean goizetik eskiatu, pistetan bertan bazkaldu eta arratsaldean klase gehiago. Eta hau guztia nahiko ez balitz, afal ostean klase teorikoak egin genituen.

Esperientzia interesgarria bezain neketsua izan da. Hala ere denak bueltatu dira berriz ere beraien kabuz eskiatzera joateko gogoarekin!!

Tecnocom Enpresa (II)

2010-01-18T12:30:00.003+01:00

Ikasturte honetan, ostiralero, Tecnocom enpresak formakuntza saioak eskaintzen dizkie Ibar Ezkerra Ikastolako Mikroinformatika Sistemak eta Sareak zikloko ikasleei.
Dagoeneko, hamabost saio egin dituzte ikastolan eta horietan Kepa, Rafa, Fernando, Imanol, Sergio, Lidia, Igor eta Ignacio parte hartu dute.
Hiru ordutako saio ezberdinetan, Tresneria Muntatzea eta Mantentzea lanbide moduluarekin lotura zuzena duten praktikak tailerrean egin dituzte ondorengoak desmuntatuz eta muntatuz: portatilak, mahaigaineko ekipoak, zerbitzariak, tinta injekziozko inprimagailuak eta laser inprimagailuak.

Sare Lokalak lanbide moduluan lantzen diren kontzeptuetan ere sakondu dute Hezkuntza Saileko Premia sarea azalduz, domeinu kontroladorearen instalazioa eta konfigurazioa burutuz eta sare gailuen konfigurazioa (bideratzailea, konmutadorea, sarbide puntua) eginez.

Informatikako ikasleak

2010-01-11T12:00:00.016+01:00

Mikroinformatika Sistemak eta Sareak zikloko ikasleek praktikak informatika gelan eta tailerrean egiten dituzte.
Tresneria Muntatzea eta Mantentzea lanbide moduluan ordenagailuan oinarri plaka, hedapen txartelak, biltegiratze baliabideak eta periferikoak muntatzen eta konfiguratzen dituzte.

Sare Lokalak lanbide moduluan sare lokala ezarri eta konfiguratzen dute. Horretarako, kutxak eta kanaletak kokatzen dituzte; sare kablea egin eta egiaztatzen dute; armairuan dauden gailuen arteko konexioa burutzen dute; hariko eta haririk gabeko sare txartelak, sarbide puntua, konmutadorea eta bideratzailea konfiguratzen dituzte; domeinu kontroladorea martxan jarri eta zerbitzuak konfiguratzen dituzte.

2009ko gabonak

2009-12-23T12:00:00.013+01:00

Gabonetako oporrei hasiera emateko, aurten ere Sestaoko La Benedicta kiroldegian elkartu dira Informatika eta Kirola zikloetako ikasleak. KES2ko ikasleak arduratu dira taldeak eta kirol-ekintzak antolatzeaz. Ziklo eta maila ezberdinetako ikasleek hamar talde osatu dituzte. Arbitrorik ez zenez egon talde irabazlea nor izan zen ez dakigu. Ordubetean ondorengo ekintzak burutu zituzten...
boleibola…

eskubaloia…

saskibaloia…

eta fit-ball.

Atsedenaldiaren ostean futbitoan aritu ziren:

Zozketa bukaeran egin zen eta hauek izan ziren sarituen izenak: Ander Fresno Aranguren (KES2) - kotxe telegidatua; Xabier Larrinaga Díez (MSS1) - skate telegidatua; Denis López Vallejo (KES1) - irrati-hozkailua; Aitor Medina Uribe (KES2) - skykopter; Mikel Prieto Domingo (KES1) – aurikulardun irratia; Ander Hernández Martín (KES2) – MP3; Julen Macizo Adán (KES2) – bideo kamera digitala; Unai Salgado Caballero (KES1) – musika katea; Asier Eskuza Ruiz (KES2) – maleta; Sandra Ortiz de Mendíbil Álvarez (KES1)– barbakoa

ZORIONAK GUZTIEI ETA URTE BERRI ON!

Hackinbadakigu.net

2009-10-28T12:30:00.003+01:00

Urriak 21ean, ETB3 kateko Nick dut nik saioan Dabid Martínez eta Joseba Martos ikasle ohiei elkarrizketa egin zieten. Saio honetan ondorengo aurkezpena egiten zuten: "Informatikaren ezagutza zabaltzea eta software librearen erabilera bultzatzea helburu duen kolektiboa ezagutuko dugu: hackinbadakigu".

Animatzen zaitugu elkarrizketa osorik ikustera http://www.dabid.net/2009/10/21/nick-dut-nik-hack-inbadakigu-elkarrizketa-egin-digute-nickdutnik/ helbidean.

Guraso bilerak

2009-10-14T12:30:00.002+02:00

Beste ikasturteetan bezala guraso bilerak egin ditugu ziklo eta maila guztietan. Aurten, urriaren hasieran egin ditugu Sestaoko La Benedicta kiroldegian, Kiroleko zikloko gurasoekin, eta Portugaleteko ikastolan, Informatika zikloko gurasoekin.
Ikastolaren aurkezpena egin ondoren zikloaren inguruko informazioa eskaini zitzaien (lanbide moduluak, harrera programaketak, egutegia, ordutegia, elkarbizitzarako arautegia, ekintza osagarriak, praktikak). Lehenengo hilabete honetan taldearen egoera zein den ezagutu zuten, eta zikloa amaitzean aurkeztutako proposamenak interesgarriak izan ziren, batez ere seme-alaba bigarren mailan duten gurasoentzat. Bukaeran, asebetetze maila ezagutzeko galdetegia pasatu zitzaien eta tutoreekin harremana errazteko zenbait datu eskatu zitzaizkien.

Bilera ordubeteko iraupena izan zuen, beraz, gurasoak animatzen ditugu hurrengo ikasturtean berriro parte hartzera. Eskerrik asko.

Sopelako hondartzan

2009-10-09T15:00:00.002+02:00

Pasadan irailak 25ean, Sopelako hondartza izan zen KES1 eta KES2ko ikasleen ekintzen testigu goiz osoan zehar. Urtero bezala, KES2ko ikasleek ekintza ezberdinak prestatu zituzten talde bien arteko elkarrekintza landuz, elkar ezagutzeko helburuarekin. “Altxorraren bila”, erreleboak, proba motibagarri ezberdinak eta partiduak izan ziren, besteak beste, ingurune aparta honetan landu zirenak.

Tecnocom Enpresa

2009-09-30T12:00:00.011+02:00

Ibar Ezkerra Ikastolak akordio bat egin du Tecnocom enpresarekin Mikroinformatika Sistemak eta Sareak zikloaren Tresneria Muntatzea eta Mantentzea lanbide moduluan parte hartzeko. Orain arte bi hitzaldi eskaini dituzte ikastolan:
Lehenengo saioan, Kepak bezeroaren arreta zentroari buruz hitz egin zigun. Bertan, teknikariak bezeroaren aurrean izan behar duen jarrera azpimarratu zigun. Tecnocom enpresaren bezeroa da Hezkuntza Saila eta ikastetxeetan eskaintzen duten arreta presentziala zein urruneko arreta azaldu zigun.

Bigarren saioan, Rafak Tecnocom enpresako hiru departamentuetan (mikroinformatika, finantza-zerbitzuak edo komunikazioak) teknikariak burutzen dituen lanak azaldu zizkigun.
Teknikariak egunero ikasi behar duela nabarmendu ziguten saio bietan.

0910 Ikasturtea

2009-09-25T12:00:00.005+02:00

Pasadan ikasturtean egin genuen moduan, 0910 ikasturteari hasiera emango diogu ikastolako blogean berri bat idazten. Eta lehenengo berria izanda aurkeztuko ditugu aurtengo ikasleak. Guztira, lau talde dira, bi informatika arloan eta beste bi kirol arloan.

Informatika arloan aldaketak egon dira, eta bigarren mailako ikasleak Informatika Sistemen Ustiapena zikloaren azken promozioa izango dira; berriz, lehenengo mailako ikasleak Mikroinformatika Sistemak eta Sareak zikloaren lehenengo promozioa.
Espero dezagun, bigarren mailako ikasleek enpresan burutuko dituzuen praktikei ahalik eta etekin handien ateratzea eta titulua eskuratzea; lehenengo mailakoek ekainerako guztia gainditu eta egoera berean egongo zarete hurrengo ikasturtean.
Besterik gabe, ongi etorri guztioi!

Zikloak - Lantokiko Prestakuntza

2009-05-29T15:00:00.009+02:00

ISU eta KES 2. mailako ikasleek enpresatan praktiketan dihardute, goizez zein arratsaldez. Ikasleak asko ikasten ari dira eta pozik daude egiten ari diren lanarekin. Hala ere, enpresetako ordutegietara moldatu behar izateak opor egunak murriztu dizkie; langileen ordutegietara ohitu behar!

KESeko ikasleek praktiketan egiten dituzten lanen artean honako hauek dagoz: Fitness-eko teknikaria, igerilekuetan, begirale eta sorosle, hirugarren adineko pertsonekin jarduerak, aerobik-eko irakaslea, e.a.
Aurten, enpresa kolaboratzaileak honako hauek izan dira: Xaker K.Z., Guedan, Gimnasio Nagusia, Seminario Gym, Araba Fitness, Sport Studio, Talde Sport, DV Training Sport Bizkaia (Unibertsitateko Kiroldegia), Fitness Place, Emtesport, Bilboko Club Deportivo, eta Hydra Artea.

Zikloak - Irteerak

2009-05-07T11:30:00.013+02:00

Apirilean zehar, zenbait irteera egin ditugu lehenengo mailan dauden kirol eta informatikako ikasleekin.

Apirilak 3an, KESeko ikasleok Txurdinagan eman genuen goiz osoa. Bertako frontoian, hiru ikastetxeen arteko Herri Kiroletako ekintzetan parte hartu genuen, DBHko 3. eta 4. mailetako ikasleentzat ekintzak koordinatuz: sokatira, txingak, zakulariak, lokotxak, giza-frogak, etab.

Apirilak 24an, Fadurako frontoietara joan ginen Ikas Pilotako ekintzak burutzera. Getxo, Leioa eta Sopelako lau ikastoletako ikasleak koordinatzen eman genuen goiz osoa; guztira, LHko 5. eta 6. mailetako 150 ikasle ziren. Ekintza guztiak bukatu ostean, Imanol Agirre pilotariaren partidu bat ikusi genuen, eta ikasle bakoitzak bere apustua egin zuen. Irabazleei xiba bat oparitu zitzaien.

Apirilak 30ean, ISUko ikasleok Euskalduna Jauregira joan ginen, Lana eta Trebakuntzaren Erakusketara. Ordu pare bat eman genituen, Lana bilatzeko eta Enpresak sortzeko tailerretan parte hartzeko, eta erakusketarien stand-ak ikusteko.

KORRIKA - Ibar Ezkerra (II)

2009-04-08T12:00:00.006+02:00

Goizeko sei t'erdiak ziren Ibar Ezkerra Ikastolak 2129. kilometroan KORRIKAren lekukoa hartu zuenean. Fernandok, Jonek eta Cristinak eraman zuten... eta zelako martxarekin, gainera!
Atzean, beste guztiak korrika egiten: Nagore (bideo kamerarekin); Xabier eta Joseba (pankartarekin); Txabi, Agurtzane eta Bermeotik etorritako ikasle ohiak, Dabid eta Joseba; eta noski, Santurtzi eta Portugaletetik etorritakoak, haien artean, Iñigo.
Egia esan, hau ez dakigu noraino heldu zen, baina beste guztiak Sestaon buelta eman, eta ikastolara etorri ginen gosaltzera.
Kirolekoek esanda, indarra hartzeko txokolatea eta pastak ezin hobeak dira, beraz, hortan aritu ginen goizeko zortzi t'erdiak arte.
Bideoa ikusi ondoren, inbidia apur bat duzuenok, hurrengo baterako badakizue!

KORRIKA - Ibar Ezkerra

2009-04-01T13:00:00.001+02:00

Ibar Ezkerra Ikastolak aurtengo KORRIKAn parte hartuko du, eta 2129. kilometroan lekukoa eramango du.

Datorren larunbatean, hilak 4, Portugaleteko Errepelega auzotik, goizeko 6ak aldera pasatuko da.

Aritu gurekin kilometro batetan, eta ikastolako kamiseta eta sudadera oparituko dizugu!

KORRIKA Portugaletetik alde egin ondoren, ikastolan ospatuko dugu txokolatada bat eginez.

Zikloak - Lantokiko Prestakuntza

2009-03-27T15:00:00.006+01:00

Urtero bezala, martxoaren erdialdean, enpresan hasten dituzte praktikak ISU eta KES taldeetako bigarren mailako ikasleak. Guztira, 360 ordu egingo dituzte eta ekainean bukatuko dituzte.

Informatikako zikloko ikasle guztiek goizeko ordutegia dute, 8retatik 15etara, arratsaldean goi-mailako zikloetara sartzeko froga prestatzen ari direlako. Enpresan egingo dituzten lanen artean honako hauek azpimarra daitezke: sistema teknikari-lanak, web-orrialdeen kudeaketa, bezeroei arreta emateko irteera egin teknikoekin, mantenu informatikoa, instalazioak, e.a. Enpresa kolaboratzaileak honako hauek dira: Eurohelp, Sermicro, Kernet, Thales, CVT, Xerox, Euromicro, T-system, Zylk.net, Cove Norte, Softec eta Dominion.

Maiatzean, tutoreak bisita egiten duenean, zenbait esperientzen berri ematea espero dugu. Bitartean, praktikak aprobetxatu ahalik eta gehien ikasteko!

Zikloak - 2008ko Gabonak

2008-12-22T12:30:00.009+01:00

Urtero bezala, gabonetako oporren aurreko egunean, Sestaoko La Benedicta kiroldegian elkartzen dira Kirola eta Informatika zikloetako ikasleak.

Aurten, KES2ko ikasleek antolatu dituzte taldeak eta kirol-ekintzak. Ikasle gehienak parte hartu dute, eta aritu dira eskubaloian, hockey-an, saskibaloian eta futbitoan. Arazo txiki batzuk egon arren, ondo pasatu dutela uste dugu.

Aldageletara joan baino lehen, zenbait opari zozketatu genituen. Ikasle guztiek portatila eskuratzeko nahia zuten, eta azkenean Unai Garmendiarentzat izan zen. ZORIONAK!

Zikloak - Hitzaldiak eta Erakustaldiak

2008-12-05T12:30:00.012+01:00

Hasi berria den bigarren ebaluaketan, ISUko bi taldeekin irteera pare bat egin dugu.

Azaroaren 27an, Zamudioko Parke Teknologikora joan gara, Enpresa Digitalak antolatutako BUENAS PRÁCTICAS EN EL DISEÑO DE SOFTWARE hitzaldian parte hartzeko.

Abenduaren 4an, Bilboko Itsas Museora hurbildu gara, pasadan ikasturtean DEMA-n aurkeztutako proiektuak ikustera. Ibar Ezkerrako ikasleen proiektuak ere bertan zeuden.

Zikloak - 0809 Ikasturtea

2008-10-10T17:30:00.006+02:00

Ibar Ezkerra Ikastolako ikasleek 0809 ikasturtea irailean hasi zuten.

Bigarren mailakoak martxotik aurrera ez ditugu ikastolatik ikusiko praktikak enpresan egin behar dituztelako; beraz, aprobetxatuko dugu ahalik eta argazki gehien egiten.

Lehenengo mailakoei argazkiak egiteko beste urte bat daukagu; ia hurrengoan ISU1 taldeko guztiak agertzen diren.

ISU zikloko ikasleek informatika gelan ematen dute ia egun osoa, nahiz eta lehenengo mailakoak tailerrean ere egon behar izan praktikak egiteko.

KES zikloko ikasleek batzutan irteerak egiten dituzte; Sopelako hondartzara, adibidez. Hala ere, La Benedikatako kiroldegian daude gehienbat, eta instalazio guztiak erabiltzen dituzte: igerilekua, aerobik egiteko gelak, kirol anitzeko pistak, frontoia, etab.

Zikloak - Guraso bilerak

2008-10-03T16:00:00.001+02:00

Ikasturte guztietan bezala, aurten ere guraso bilerak egin ditugu irailean.

Lehenengoa, irailaren 22an, La Benedikta kiroldegian egin genuen, Gorputz eta Kirol Ekintzen Sustapeneko goi mailako zikloko gurasoekin. Gai asko zeuden lantzeko eta azkenean argazkiak egitea ahaztu zitzaigun.
Bigarrena, irailaren 25an, ikastolan egin genuen, Informatika Sistemen Ustiapeneko erdi mailako zikloko gurasoekin. Bileran zehar argazkiak egitea ez genuen ahaztu oraingo honetan.

Gurasoen parte hartzea ezinbestekoa dela uste dugu, eta hurrengo ikasturtean bilera hauek arrakasta bera izatea espero dugu. Eskerrik asko.

Zikloak - Ski Bidaia

2008-02-28T11:30:00.006+01:00

2008.ko urtarrilean Gorputz- eta Kirol- Ekintzen Sustapena heziketa zikloko ikasleek Ski bidaia egin zuten. Aste beteko ikastaroa jaso ondoren, horrelakoak egiten ikasi zituzten...

...baina hasierak beti izaten dira gogorrak:

Zikloak - 0708 Ikasturtea

2008-02-14T10:29:00.005+01:00

Hona hemen ikasleek ikasturtean zehar burututako hainbat ekintza.

Zikloak - Lehenengo hiruhilabetea bukatuta

2007-12-22T17:51:00.007+01:00

2007ko abenduaren 21an, Sestaoko La Benedicta kiroldegian elkartu ziren Kirola eta Informatika zikloetako ikasleak. Hainbat ekintzetan parte hartu zuten: eskubaloia, hockey, saskibaloia eta futbitoa. Bukaeran, zenbait opari zozketatu genituen, baina ikasle guztiek portatila eskuratzeko nahia zuten.

Zikloak - Ondo Etorri!

2007-11-03T15:00:00.003+01:00

Momentu honetan, gure lan taldeak (ez dakit lan asko edo gitxi egiten daben, baina ikastolara etorri, badatoz) aukezte toketan jaku:

...eta hauek, aurtengo barriak: